【維港會】夫家私設聊天群 網民自覺被排擠：原來我始終唔係屋企人

網上討論區「親子王國」有女網民發文，指夫家私下設置聊天群組，自覺被夫家親戚排擠，直言「原來我始終唔係屋企人」。

女網民稱，丈夫及其家人從來無透露過開了數個不同成員的Whatsapp群組，而她只被加入了其中一個群組，是全體親戚共8人都參與，但群組開了好幾年都鮮有人發言，上一次有人發言已經是一兩年前的事。

網民說，「最近終於證實佢哋有另外嘅谷，齊晒人但不包括我，仲要佢哋成日會在此谷傾計，問心我個心唔多舒服，平日我自以為同姑奶姑仔關係OK, 家翁家婆又對我不錯，原來我始終唔係佢哋屋企人。」

有人就安慰事主，說「唔加仲好，少好多煩惱」、「我叫老公千其唔好加我，我唔想入谷。」、「我一個都冇入，老公家族最少2-3個group，冇人問我又冇話要加入，我真心一啲都唔介意，仲好慶幸少樣嘢煩」、「唔加好過。畀男家加咗入谷，成日講埋啲無謂嘅嘢，已經靜音同唔顯示，但一有信息仍然有數量提示彈出嚟，好煩，想退谷又唔好意思」。

事主其後再留言稱，丈夫是神經大條的人，「問佢佢都係話無留意、唔知道,同埋睇完大家嘅comments我安樂晒，明白入group易入難走，都係唔入好過入了」。