貼父女照推介「出土」真人騷朱茵都幾識宣傳

2020-09-30 17:00

前幾年，內地親子真人騷爆紅！《爸爸去哪兒》系列長拍長有，18年，該系列前導演即邀請黃貫中(Paul)、朱茵、洪天明及周家蔚等明星家庭開拍《想想辦法吧！爸爸》，由星爸帶住子女去旅行，經歷唔同氣候及地區，考驗一眾星爸嘅湊仔能力。

不過之後因為「限童令」等政策關係，內地所有親子Show都要延播甚至暫定拍攝，已拍畢的《想想辦法吧！爸爸》雖已公開預告花絮亦未能播映。

今日，朱茵喺ig貼出一堆老公黃貫中同就嚟8歲嘅囡囡黃鶯玩緊嘅相，留言:「寶貝女兒跟我說：『想跟媽媽去旅行』我說：『媽媽在拍戲還不能去』但我們可以看《想想辦法吧爸爸！》節目上線了！我們一家人可以隔着屏幕見面。成功借囡囡嚟公告天下，《想想辦法吧爸爸！》終於出土嘞。