【維港會】茶記驚現「黑暗料理」 菠菜汁雞扒顏色似足鬼口水

現時港式茶餐廳常見不同的口味混搭菜式，這也是香港的飲食特色之一。不少餐廳為了讓食物看起來與其名相稱，會在食物中加入色素，讓視覺上食物更為美觀。然而若一不小心，可能會製成另類「黑暗料理」，有網民分享在香港的茶餐廳不小心「中伏」的經歷。

一名網民在facebook 社交群組發帖，指在香港某一茶餐廳叫了一道「菠菜汁焗雞扒」，貼出一張螢光綠色的食物照片，留言表示「咁大個仔第一次食呢個菠菜汁焗雞扒可以咁嘅色嘅」，又指「食落伏到呢」，引起網民熱烈討論。

有網民形容圖中食物為「似我仔玩嗰啲泥膠」、「鬼口水」，形容「顏色好膠，食咗會唔會變膠人㗎」、「啲波菜汁都好螢光下喎」、「望住都感覺到肚痾」，亦有網民表示「以為係班蘭汁焗飯」。有網民理性分析：「如果真係葉綠素，煮熟了會變成墨綠色。仍然咁鮮綠色，應該係人工色素」。

發帖者後來亦揶揄菜式名稱「應該叫螢光汁焗雞扒意粉會好啲」，表示自己只是「求其試咗兩啖」，之後便吃不下，立刻付款離開。