眾籌醫療費試免疫細胞治療 李明蔚：好想可以延長生命

31歲女歌手李明蔚患罕見的鼻咽腺樣囊性癌，抗癌8年多，先後接受電療、化療，早前再冒險接受跟進治療手術，無奈效果不理想，故她已停止一切中西醫治療。
從沒放棄的李明蔚，今日在社交網發文及上載短片，表示希望可以嘗試「免疫細胞治療」，但費用昂貴，希望大家能伸出援手幫她，讓她能活下去。

李明蔚fb全文：
大家好！好多謝大家一直支持鼓勵我，好感恩遇到好多人幫助我，因為你哋令我有更大力量去生存！自從喺2012年發現患上罕見嘅「鼻咽腺樣囊性癌」，我一直都無諗過放棄，與癌共存，面對我嘅人生！
喺呢8年我都曾經試過好多唔同治療，但係都冇好大幫助，而家癌細胞擴散到肺、肝、腎同骨，我做過化療同電療，亦試過標靶藥，不過身體承受唔到副作用，所以都停咗，目前無做任何治療！
呢幾年我感覺到身體越來越差，腫瘤壓住神經線，令我面癱，眼珠同眼皮都郁唔到，有一邊聲帶癱瘓咗，令我説話同㖔嘢都好有影響！最近仲開始唞氣唔順，心口痛，器官脹大，令我日常生活都開始有困難！
但我仍然深信希望在明天，因為我仲有好多嘢想做，唔想爸爸媽媽再為我粗心，好想減輕佢哋負擔！我知道有一種叫免疫細胞治療，價錢都很昂貴，但有一絲希望我都想去嘗試，好想可以延長生命！🙏🙏🙏🙏🙏🙏🙏🙏🙏
希望能夠得到各位善心朋友幫助❤️❤️
捐款可以存入我媽媽戶口
HSBC 匯豐銀行 : 118-218924-833
戶口名稱：Ng Man Kit
轉數快 ： 92731263
Whatspp 聯絡我媽媽 ：92731263 （Kita Ng)
非常感謝大家，祝大家健康快樂平安