【限定台北導遊】行完夜市再去書店 姜濤一條友四圍遊

姜濤7月中出發到台灣拍劇半年，相信一眾「姜糖」一定心掛掛，希望姜B盡快返香港。已開始在台拍攝劇集《超感應學園》的他，除了努力工作，空閒時間亦不忘在IG更新近況，昨晚他就上載多個story，獨自闖蕩台北街頭遊食店！

姜B雖然自己一個人逛街，不過都唔會待薄自己，先買車輪餅(即紅豆餅)邊行邊食。佢都好識自己搵樂趣，既然無人一齊食晚飯，一於周圍睇嘢食。姜濤經過一間港式茶餐廳，影住上面的咖喱及黯然銷魂飯海報，似乎好掛住香港。之後再走入夜市影攤檔，最搞笑是稍早已吃過一個車輪餅的他，竟然返轉頭再encore，更打孖上食多兩個，全程姜B係咁影啲食店招牌，以行動話畀「姜糖」知，台北街頭真係好多好嘢食呀。

食飽之後姜濤走入書店，推介《被討厭的勇氣》給各位「姜糖」，做咗一陣文青之後睇嚟有少少心得。最後加上一段自拍片畀姜糖解下思念之情，完美結束一晚的行程。