星島日報

【頭條戲場】《#ALIVE》保住條命唔好死

2020-09-18 09:00
喪屍襲屋苑,劉亞仁及朴信惠一齊避喪屍逃生。
喪屍襲屋苑,劉亞仁及朴信惠一齊避喪屍逃生。

改編自荷里活編劇 Matt Naylor的劇本,由百想視帝劉亞仁及朴信惠主演的《#ALIVE》蟬聯三周韓國票房冠軍,香港人唔使戴住口罩入戲院睇,仲可以食住嘢歎住睇,因為Netflix已上架。劇情簡單節奏快速,最緊要反駁位唔太多,同樣賣喪屍,我覺得好睇過《屍殺半島》,仲要係幾多𠻹。撰文:廖思慧


喪屍襲屋苑,劉亞仁及朴信惠一齊避喪屍逃生。
喪屍襲屋苑,劉亞仁及朴信惠一齊避喪屍逃生。
吳俊宇被喪屍包圍唔知點算,走又唔係,唔走又唔係。
吳俊宇被喪屍包圍唔知點算,走又唔係,唔走又唔係。

喪屍片其實來來去去咁上下,見到喪屍要走,未見到喪屍要避,睇導演功力有幾強,可以將避同走拍得驚險又有趣。《#ALIVE》講述首爾突然有不明病毒,感染者全都會眼出血行為怪異,最後仲會變食人喪屍,但呢隻喪屍同一般我哋睇開嘅喪屍唔同品種,因為呢隻中咗毒後會Keep住十幾廿分鐘正常,呃到好多人,你以為佢冇事,原來唔係,所以病毒傳播極快,一個大屋苑唔使一個鐘九成人中晒招。

只要有聲同光就會吸引到喪屍,所以男主角喺屋企唔可以發出任何聲音。
只要有聲同光就會吸引到喪屍,所以男主角喺屋企唔可以發出任何聲音。
喪屍喺屋苑走廊行嚟行去,感覺好貼近自己生活。
喪屍喺屋苑走廊行嚟行去,感覺好貼近自己生活。

唔好驚頂住呀
男主角吳俊宇(劉亞仁飾)好鍾意打機,打打吓發現屋苑有喪屍入侵,匿喺屋企咪唔驚囉,但冇水冇電加上冇晒食物,一係走一係等死。孤軍作戰廿日諗住自我了斷之際,男主角發現對面公寓有另一位倖存者金宥彬(朴信惠飾),兩人全靠抱住「一定要活下去」的堅強意志先捱到然後再一齊逃離「喪屍公寓」。因為喪屍入侵場景喺屋苑,感覺好貼近,邊睇邊諗吓發生喺自己身上會點處理,緊張之餘仲要動吓腦筋,成件事幾有意義。

因為有喪屍強行入屋推倒雪櫃,男主角冇晒嘢食。
因為有喪屍強行入屋推倒雪櫃,男主角冇晒嘢食。
拎住高球棍嘅吳俊宇諗住去鄰居屋企搵吓有冇嘢食。
拎住高球棍嘅吳俊宇諗住去鄰居屋企搵吓有冇嘢食。
男主角一出門口發現成條走廊都係屍體。
男主角一出門口發現成條走廊都係屍體。
吳俊宇得知對面同層公寓仲有生還者,從新燃起求生意志。
吳俊宇得知對面同層公寓仲有生還者,從新燃起求生意志。
吳俊宇同金宥彬會互相交流逃生意見及食物。
吳俊宇同金宥彬會互相交流逃生意見及食物。

最新回應

關鍵字

相關新聞

熱門文章