【維港會】無品市民美孚商場智能櫃即場拆貨 垃圾堆滿一地

疫情下減少出街，不少市民轉為網上購物。不過有市民就在美孚商場的智能櫃即場拆貨，將大量包裝紙盒堆滿一地，被網民批評無公德心。

有網民在「Mei Foo 美孚」Facebook專頁發帖指，美孚廣場一樓的智能櫃，地上堆滿快遞包裝的垃圾。網民表示，明白疫情下大家都不想將紙箱帶回家，以免沾有細菌，但既然已經出了門，回家也要做清潔，「掂多陣個箱真係咁大問題？...但最低限度！可唔可以整平個箱先掉喺度，搞到垃圾崗咁」。

網民表示，其實很多人對這種情境見怪不怪，「人哋錯你就跟住錯？就係因為個個都咁諗，個個都咁掉，所以先咁大堆垃圾，你唔掉，我唔掉，呢堆野係唔會出現的」。尤其會加重清潔工負擔，「其實唔只智能櫃，周不時見有電視機包裝外箱、小傢具、紙箱喺平台各處，各位掉嗰陣，可唔可以諗下幫你執手尾嘅人？交左管理費唔係大晒」。

不少人都留言批評無公德心，有街坊指「樓下就有垃圾房啦」、「有保安無巡？個保安可以出聲話無公德心啲人「、「我上次最入個柜，要跨過好多個箱，𠝹親隻腳」。