【維港會】深水埗全港最好住？ 網民獨特見解惹熱議

深水埗是香港低收入的舊區之一，但隨住近年市區重建成中產私樓，以及多了新式屋邨配套，以及多了年青人消遣流連的文青風商店進駐，深水埗的區貌也出現了變化。有網民就提出「深水埗全港最好住」， 網民獨特見解惹熱議。

有網民在連登討論區發文，「衣食住行全部有，平其他區一半咁滯，交通算市中心，新界定港島都進可攻退可守，返工定出街都平又快。係人流雜少少，但唔出夜街，影響近乎零」。

有人留言認同，「同意要買乜有乜，又有商場，平嘢又多」、「九龍區來講，北河街街市買海鮮應該冇得輸」，「我識有人想開cafe，ssp嗰邊啲地舖因為近排cafe熱即刻叫價高晒」。有人說，「幾年前我住過深水埗，單身住認真一流，好多食肆，幾點都數唔會餓襯，生活配套集中，好方便，交通又係無得頂，巴士小巴去到大部分地方」。

不過多數網民都不認同樓主的見解，有人直指深水埗存在治安、衞生問題，「要毒有毒，要黃有黃」、「好多非華裔同露宿者」、「唔係歧視佢地（非華裔），不過唔慣嘅可能會適應唔到」、「條街真污糟行得唔小心就踩中小強」、「夜晚係街市附近 成條街都係老鼠」

也有人從交通及配套方面批評，「交通好似好方便，深水埗站幾乎全港最熱，冷氣完全無都唔緊要，四個出口長期塞滿人，仲要行樓梯上落，近黃金個邊兩個出口更加重災區行都行唔到，落到月台中環方向無乜邊個時間可以好舒服咁上車，繁忙時間係無乜可能一班上到假日都好難上車，南昌站又去到咁遠。巴士去大西北、荃葵青經過哂油尖旺區好少有位坐，多數要全程企...公園得個啲路中間嘅廢氣公園，或者住滿癮君子，要行到好遠先有南昌公園，小朋友近乎沒有玩樂配套。」