【吐氣揚眉】曾落敗《全民造星II》陳勇龍奪「最上鏡大獎」喊爆

2020-09-08 13:57

日前《亞洲模特盛典Face of Hong Kong 2020香港區決賽》全球網上互動直播節目，港韓混血兒23歲陳勇龍(Lung)，雖然曾經失落《全民造星II》，但憑187cm嘅model身形加上行天橋表現淡定，最終奪得「最上鏡大獎」，喺疫情過後，有機會代表香港前往韓國與其他國家模特爭奪《亞洲模特盛典Face of Asia》殊榮！

陳勇龍去年曾參加《全民造星II》，不過去年參賽時，選唱林子祥嘅《分分鐘需要你》就因為自殺式嘅表演方式，慘被評判狠批，不過之後就贏得網民關注，仲話佢可以行諧星路線。

經過挫敗滋味，陳勇龍今次得獎後喊爆，接受本報訪問時說：「今次比賽自己真係好努力好認真，花咗好多時間健身同增值自己，亦都透過呢個比賽學到好多嘢，包括待人接物，好感恩識到好多新朋友。」提到得獎後爆喊，問到平時係咪喊包？他卻說：「平時反而好少喊，但今次自己有付出努力得到成果之後，真係忍唔到，加上一諗起媽咪長期住喺韓國，大家好少見面，終於有少少成績，今次可以用比賽嘅名義返韓國見媽咪，希望媽咪可以我為榮！」