芷晴親手整蛋糕慶祝59歲生日　黃日華於自製梁潔華畫作前留影

噚日（9月4日）係華哥黃日華59歲生日，囡囡芷晴當然有親手整咗生日蛋糕同爸爸慶祝，仲要係華哥至愛嘅足球做主題，睇芷晴Post嘅相中華哥嘅笑容就知佢相當滿意啦！芷晴仲留言向爸爸送祝福，「生日快樂，身體健康，開開心心！#牆上是他的作品」原來華哥影相後面嘅牆，掛住佢與亡妻梁潔華嘅合照和靚相製成嘅畫作，相當有心思，雖然今年太太不能陪喺身邊一齊慶祝生日，但喺華哥心入面太太一直冇離開過。