星島日報

【獨家】盼為周志文劉佩玥作結婚歌 翟威廉強調自己唔係有錢仔

2020-08-30 22:53
周志康、翟威廉及周志文(右)為 Happy Live出錢又出力。
周志康、翟威廉及周志文(右)為 Happy Live出錢又出力。

由翟威廉(William)、周志文及周志康創辦嘅網上音樂直播節目Happy Live 成立3周年,終於推出首支單曲《不是富二代》。雖然開鋪賣日本清酒,但William強調自己唔係有錢仔,他大笑說:「戲內我就係富二代,所以我冇遇過為錢而埋身嘅港女。」另他希望下次可以作一首甜爆結婚歌畀周志文及劉佩玥。採訪:方騫平 化妝:Christy Lam 髮型:Ken Yong 服裝:County of Milan 場地:浪潮音樂室


周志康、翟威廉及周志文(右)為 Happy Live出錢又出力。
周志康、翟威廉及周志文(右)為 Happy Live出錢又出力。
MV加埋創作使費,新歌至少投資咗6位數字,三人話做歌真係好貴,感激多位朋友「拍膊頭」演出,碌盡人情卡。
MV加埋創作使費,新歌至少投資咗6位數字,三人話做歌真係好貴,感激多位朋友「拍膊頭」演出,碌盡人情卡。

Happy Live首支單曲《不是富二代》由翟威廉一手包辦曲詞,周志文及周志康主唱。William為處男作創作咗唔同嘅版本,笑言次次咁做就會蝕大本,他預告Happy Live新歌會陸續有來。至於下首歌會否安排周志文跟劉佩玥情侶合唱?周志文表示可以嘗試吓,問到係咪想唱Sweet爆情歌?他笑住反問:「唔知作曲人有冇咁Sweet嘅心態喎。」翟威廉被質疑即笑問:「係咪苦命鴛鴦?落難情侶!定係結婚進行曲?咁我盡量想像吓...」





三人當然有現身MV。
三人當然有現身MV。
Happy Live做直播做到喺TVB節目中演出。
Happy Live做直播做到喺TVB節目中演出。

冇父蔭勿灰心

講到創作新歌概念,翟威廉透露富二代除咗金錢,亦代表咗特權及地位,「有啲人天生冇呢啲天賦本錢,所以首歌係唱畀輸喺起跑線嘅人聽,包括我哋三個,幫大家打打氣。」周志康就話就算冇父蔭都唔使自怨自艾,做人要爭氣。周志文說:「呢首歌用嚟回饋Fans,始終Happy Live做咗直播3年,都係唱人哋嘅歌,威廉好犀利,本來唔識作曲、填詞,但佢用咗好短時間發揮異能。」

講到翟威廉投資六位數開鋪賣清酒,周志康即代William澄清非有錢仔:「大家眼中嘅威廉係香港先生,又官仔骨骨,有才能,周身刀,大家以為佢係有錢仔,原來唔係!」翟威廉即說:「身邊朋友識咗咁多年,點會唔知對方咩底蘊呀?啲女仔一埋身就知我係流嘢,對我唔會有期望,如果第一次約會都冇彈開呢,一定係真愛,不過,唔排除有啲為咗收兵嘅!」

拖友周志文和劉佩玥經常開Live合唱,好有默契。
拖友周志文和劉佩玥經常開Live合唱,好有默契。
今年父親節,翟威廉有份投資的日本清酒新鋪開張。
今年父親節,翟威廉有份投資的日本清酒新鋪開張。

最新回應

關鍵字

相關新聞

熱門文章