【維港會】同住六旬母以死相逼相睇結婚 港女呻無能力搬走惹熱議

近年女性遲婚的情況越來越普遍，但父母就永遠比女兒著急。有港女在社交網站分享，自己的六旬媽經常疲勞轟炸她「相睇」結婚，甚至以死相逼，但疫情下無工開，自己和媽媽同住未能搬走，令她非常痛苦。

港女在「我的極品四大長老」Facebook投稿，指自己是獨生女，媽媽已經60多歲，很想抱孫，更由於太緊張而「搞到精神有少少失常」，經常疲勞式轟炸。媽媽想找人和她相親結婚，港女不肯，媽媽就發脾氣，「又發爛渣又話要撼頭埋牆又話要吊頸，又話養咗我幾十年而家咁樣對佢，係唔係想佢死先至安樂？」

港女表示，其實她住在媽媽在隔離屋苑的物業，「最慘而家連住嘅地方都要靠佢真係好難搞掂！佢日日殺上嚟潑婦罵街都冇辦法」。港女說自己還要還卡數，很難搬出去住，而且自己做美容業 ，已經停工多日，「我諗我阿媽睇死我要靠佢生活先至咁樣以死相逼，好無助！」

貼文引起熱議，有網民指「結婚生仔好個人的」、「聽到都覺得煩」，但亦有人認為不需要把相親變成精神壓力，「照相睇，當食餐free meal識個朋友吹下水」、「緣分嘅嘢好難講， 可能有意外收穫呢」。也有人質疑樓主不能照顧自己，「咁大個人都仲靠阿媽，咁啊媽擔心佢走咗無人照顧你係不無道理」、「佢未必真係要你結婚，你可找多些途徑認識多些人，擴闊社交圈子，令佢明白你也有動力去找另一半」。