星島日報

【獨家】入行20年首獲國際獎項 陸駿光提醒自己不要自滿

2020-08-27 02:37
陸駿光入行20年首獲國際獎項,他反而提醒自己不要自滿
陸駿光入行20年首獲國際獎項,他反而提醒自己不要自滿

陸駿光(暱稱嗱喳)最近憑去年港台單元劇《星星的孩子:魚蛋》奪得「2020 New York Festivals TV & Film Awards紐約電影電視節」演員銅獎。入行近20年首度奪得演員獎項的他,因疫情未能親身領獎,以為感受不大,直到獎項寄到手他才識得感動,更一度眼濕濕,他認為得獎後反而會提醒自己不要自滿,不要停步,要更加努力嘗試不同角色,因為永遠不知觀眾何時會留意到。採訪:杜淑霞 劇照:由港台提供 髮型及化妝:Kyo Lee 服裝:O.N.S. at Kapok、Converse Hong Kong

陸駿光入行20年首獲國際獎項,他反而提醒自己不要自滿
陸駿光入行20年首獲國際獎項,他反而提醒自己不要自滿
陸駿光入行多年,終於奪得首個獎項「紐約電影電視節」演員銅獎,當然值得開心。
陸駿光入行多年,終於奪得首個獎項「紐約電影電視節」演員銅獎,當然值得開心。



嗱喳最初收到導演通知會參加影視節時,沒有太大感覺,「老實講之前拍第一部電影《碟仙碟仙》同埋《G殺》,因為難得咁有發揮,曾經以為有機會提名,但到頭嚟都係冇啦!所以真係冇再諗獎項嘅嘢,所以導演通知我參展,我都冇乜感覺,到攞埋獎其實都唔係好真實。」加上疫情取消了頒獎禮,沒機會親身領獎,令他感受也不深。

在港台單元劇《星星的孩子:魚蛋》中,嗱喳飾演太太離世後,要獨力照顧患有自閉症兒子的父親。
在港台單元劇《星星的孩子:魚蛋》中,嗱喳飾演太太離世後,要獨力照顧患有自閉症兒子的父親。
嗱喳劇中跟兒子有不少感情戲,幸好對手童星馮皓揚演繹出色。
嗱喳劇中跟兒子有不少感情戲,幸好對手童星馮皓揚演繹出色。



直到獎項由美國寄到來,嗱喳才真正感受到那份重量,「我放喺客廳當眼個櫃度,我望住一陣突然呢廿年嘅回憶一湧而上,忍唔住眼濕濕。其實得到呢個獎真係好榮幸,因為參展嘅國家係嚟自世界各地,而我係香港代表唯一一個得到演員獎,而得到金獎嘅演員,主演嘅英國劇集《Fleabag》係奪得金球獎㗎!」講到得獎原因,嗱喳認為演繹勝在夠自然,「呢個劇係比較寫實,感覺有啲似紀錄片,所以導演要求我哋要演得好淡,好似生活緊一樣。」




得獎後嗱喳坦言開心完就算,只跟太太食立食壽司當慶祝,往後只會更加努力工作,「我會提醒自己唔好自滿,唔好停步,反而要更加努力嘗試唔同嘅角色,之前試過對自己演出好有信心都係冇獎,今次演出完全冇花巧,反而得獎,令我更加明白羅冠蘭老師當日同我講,千祈唔好為獎項演出,單純發自內心去演最重要,因為你永遠唔知觀眾幾時留意你,將來我希望觀眾記得我演嘅角色之餘,都會記得我叫做陸駿光。」

嗱喳很感激劇集導演黎敏儀(中),在她指導下令他有很好的發揮。
嗱喳很感激劇集導演黎敏儀(中),在她指導下令他有很好的發揮。
嗱喳曾期望憑着電影《G殺》的突破演出,有機會獲得提名。
嗱喳曾期望憑着電影《G殺》的突破演出,有機會獲得提名。
得獎後,嗱喳只跟太太Sherraina和媽咪簡單慶祝。
得獎後,嗱喳只跟太太Sherraina和媽咪簡單慶祝。

最新回應

關鍵字

熱門文章