患鼻竇炎跟陳家樂同病相憐 連詩雅與陳自瑤搶嘢玩相認好姊妹

連詩雅（Shiga）的緋聞男友陳家樂因體內腎石塞輸尿管，導致小便出血入院求醫。原來Shiga身體亦出現毛病，先後患鼻竇炎，及頸椎骨移位導致牙骹發炎和頭痛，與陳家樂可謂同病相憐。
Shiga今日在社交網留言：「很感謝大家的慰問，轉咗3次醫生我終於知道自己甚麼問題，原來係鼻竇炎。醫生說我鼻哥入邊嘅骨歪咗壓着，當免疫系統低嘅時候就會發出嚟，同埋之前牙骹發炎導致的頭痛，原來係因為頸椎骨移位蔓延到上牙骹同頭。然後兩個醫生都話根源係因為我個人太過份緊張。」
Shiga謂暫時唱歌有點勉強，着大家不用擔心，今次令她長知識，當以為有痛楚的地方有事，原來背後可能是其他成因，所以凡事都要深層次去了解，才可以解決問題。她覺得心情和情緒是影響身體的最大關鍵，放下執着多一點，可能會活出不一樣的人生。

另外，Shiga與陳自瑤（YoYo）因拍劇成為好姊妹，YoYo在社交網貼上與Shiga爭公仔的設計圖片，留言：「小時候 我覺得有個姐姐或者妹妹爭玩具 是一件很幸福的事 大家可以一起談心 一起逛街 一起打扮 衣服還可以兩份穿 可惜 我沒有姐姐 也沒有妹妹 自己和自己玩 慶幸長大了 我有很多好姊妹❤️」，Shiga亦留言：「我小時候沒有姊妹 但我依家有❤️ 以後什（甚）麼都一齊分享😘😘😘」。