李榮浩晒自拍偷偷P圖　網民踢爆：哥你後面歪了

內地歌手李榮浩與楊丞琳於去年9月領證結婚，最近卻因新冠肺炎疫情而分隔兩地，雙方已超過百日冇見，楊丞琳早前接受訪問時，就坦言不像一般遠距離伴侶般用視訊維繫感情，所以連老公身形係肥定瘦都唔知，更笑稱：「甚至有時候覺得自己很像單身。」

相隔逾個半月，李榮浩今日終於在社交網貼出露面自拍，相中的他穿上黑色背心、滿面汗水，相信剛做完運動，李榮浩無厘頭留言：「昨天有人問我明天幹啥，我說拍廣告，他問，是甚麼廣告，我說沒有我的那種廣告，早起泡澡好嗨皮。」不少網民都話睇唔明又笑問他講乜，亦有大批人放錯重點，紛紛讚他：「健身有效果哦」、「哇好壯」、「哥身材好健美」，更有粉絲心痛偶像瘦咗好多。不過，有眼利的網民就踢爆：「哥你後面歪了。」放大張相一睇，確實李榮浩身後的百頁簾出現咗「超自然現象」，其面頰兩旁的背景都曲咗，明顯係P咗圖，估唔到佢咁貪靚㗎喎。