【維港會】愛東商場電梯驚現糞便 街坊指長期有人小便

新冠肺炎疫情持續，市民都提高防疫意識，不過筲箕灣愛東商場內近日竟驚現糞便，引起關注，更有街坊反映商場附近長期有人小便。

東區區議員蘇逸恒前日在Facebook發文，指愛東商場的一條扶手電梯上，居然發現糞便，未知是人或動物糞便。蘇逸恒表示，因應區內今日的確診個案，商場已清潔消毒，該糞便亦已處理，但他提醒居民，疫情期間更加應該注意。

不少街坊留言指愛東商場的衛生情況欠佳，已不是一兩天的事，「愛東商場應該要搞好啲清潔， 有時經過嗅到啲霉味」、「個廁所衛生已經唔再講......條走廊都一陣膱味」。另外更有街坊透露，天橋轉角位長期有不知名人士小便，「幾年前係愛東去愛蝶果條天橋都試過」、「深夜時份見過地下上一樓天橋嗰個轉角平台位置，有懷疑係道姑嘅物體就地小解」、「已經幾年，都係轉角位」。蘇逸恒亦回覆表示，已經將天橋加入重點清潔位置，而商場衛生方面亦已和管理處商討過，之後見到清潔比其他商場多。