【維港會】先後被刪「伊伊」帖文 清潔龍「金盆洗手」

近日在社交網站facebook上載一張模特兒「伊伊」泳照連文字，大玩噱頭去提醒大家預防登革熱、留心白紋伊蚊的清潔龍阿德，繼在fb遭投訴涉「裸露及色情」致該post被移除後，其在Instagram的post亦遭受同一命運，阿德今日發帖正式宣布「金盆洗手」，難道他心灰意冷，從此要離開社交網站？

當然唔係，阿德只是繼續大玩花招，呼籲市民在疫情底下，無論有沒有盆，都要記得勤洗手，並要洗足20秒同7個部位，包括：手掌、手背、指隙、指背、拇指、指尖和手腕，才足以預防病毒和細菌。阿德更笑稱大家看到金盆洗手是否「嚇咗嚇」，指自己並不會離開大家，叫大家可以放心。

阿德早前仲幽默咁話，自己以後出post有乜嘢相，都會用「清潔龍AR德」濾鏡「笠住佢」，以免再次令大家誤會或不安。