星島日報

【獨家】拍拖即迫葉佩雯學滑雪 Eric Kwok自爆老婆痛到喊

2020-07-26 23:59
Eric Kwok跟葉佩雯拍拖即迫對方學滑雪,對方仲搞到經常跌倒痛到喊。
Eric Kwok跟葉佩雯拍拖即迫對方學滑雪,對方仲搞到經常跌倒痛到喊。

Eric Kwok(郭偉亮)最近推出以有型為主題新歌《Ripboy》,而他覺得世上最有型的事莫過於滑雪,MV更專登飛北海道多次拍他滑雪。這是他加入陳奕迅旗下公司後第一首歌,好多謝老闆支持他做自己鍾意音樂。Eric謂8歲便迷上滑雪,跟葉佩雯拍拖初期更迫對方去學,搞到女方狂跌親痛到喊都唔敢出聲,幸好現在兩人都愛上這運動,今次MV老婆還親自操刀幫手拍。採訪:杜淑霞 髮型:Adrian [email protected] i concept store 化妝:Annie G. Chan 服裝:Sacai

Eric Kwok跟葉佩雯拍拖即迫對方學滑雪,對方仲搞到經常跌倒痛到喊。
Eric Kwok跟葉佩雯拍拖即迫對方學滑雪,對方仲搞到經常跌倒痛到喊。
Eric自覺最有型的事,就是滑雪的時候。
Eric自覺最有型的事,就是滑雪的時候。





新歌無論作曲、填詞、編曲和監製Eric都全程參與,就連MV他都親自執導,雖然要兼顧的事好多,但他坦承樂在其中,「鍾意做嘅嘢,真係唔覺得辛苦,反而好享受自己一手一腳去做,好彩填詞方面有林若寧一齊構思,編曲方面就搵咗張子堅幫手。」

Eric自爆跟葉佩雯拍拖初期,曾迫女方為他學滑雪。
Eric自爆跟葉佩雯拍拖初期,曾迫女方為他學滑雪。
Eric斷斷續續花了一年時間製作今次MV。
Eric斷斷續續花了一年時間製作今次MV。





講到MV,Eric更加大陣仗搵來老婆親自操刀幫手拍攝,「雖然老闆支持,都要慳錢㗎!所以除咗搵當地識得滑雪嘅朋友幫手,幫我拍攝難度高滑雪嘅動作之外,事前我借咗Kevin仔隻航拍機,仲特訓埋Grace(葉佩雯)控制航拍機幫手拍。」而MV中更加挑戰自己,去返幾年前跌斷手臂的位置拍攝,Eric憶述:「重回舊地見到那條曾經令我斷手嗰條鐵,好像見到一隻大怪獸,我不停同自己講要征服佢。最後不斷嘗試,最終將成功嘅畫面收錄喺MV,對我嚟講係好有紀念價值!」



提起滑雪就興奮的Eric,更自爆如何迫老婆也愛上這運動,「我每年都會抽時間去滑雪,所以初初同Grace拍拖,我講明要同我一齊就要識滑雪,由於係熱戀期,佢好努力咁學,後尾我先知當時佢不停跌親,痛到喊都唔敢出聲,好在後尾佢都學識咗,亦都咁鍾意,其實我都影響咗好多身邊朋友迷上呢個運動,大家一齊玩真係特別開心。」另外,Eric話疫情好多工作都停了,好彩他平日都宅,同埋做音樂都愛留在家,所以影響不算太大。

MV中紀錄了Eric不少滑雪高難度動作。
MV中紀錄了Eric不少滑雪高難度動作。
Eric嘗試在雪地上錄音,由於風聲太大只能錄到少部份,但絕對是個嶄新嘗試。
Eric嘗試在雪地上錄音,由於風聲太大只能錄到少部份,但絕對是個嶄新嘗試。
Eric最近少出外開工,主力留家陪老婆和愛犬。
Eric最近少出外開工,主力留家陪老婆和愛犬。
受疫情影響,Eric不時在家玩煮飯仔。
受疫情影響,Eric不時在家玩煮飯仔。

最新回應

關鍵字

相關新聞

熱門文章