【維港會】分享駿洋邨隔離實況 港爸:「畀小朋友知道凡事唔係必然」

香港第三波疫情嚴峻，每日確診人數屢創新高，更有不少人因與患者有緊密接觸而需接受隔離，但是隔離生活到底如何？網民在社交平台發帖，分享隔離的生活點滴，同時感謝醫護及民安隊隊員等工作人員，帖文成網絡熱話。

該為港爸在「巴打絲打 Facebook Club」發帖，指同居家人已經確診，雖然一家四口並無病徵，仍需到駿洋邨隔離中心隔離14日，並發帖「分享少少經驗」，讓「大家有個心理準備」。

他指出駿洋邨是新落成的公屋，每個單位大細各有不同，他們是一家四口，兩大兩細，故此獲派兩房單位。

隔離中心由於是新樓，廚房及廁所尚算十分整潔，但要注意以下情況：

「1. 冇冷氣、冇雪柜、冇洗衣機 (因為係新公屋，準備交樓俾租客，所以可以理解）；

2. 手機網絡接收差 (我用1010，長期得2格）屋內有wifi提供；

3. 有床板、床墊、床單提供；

4. 每日免費提供3餐；

5. 可whatsapp中心提供你想要嘅物資(如：杯麵、紙包飲品、水、廁紙）；

6. 有電視提供，可以連接HDMI，可以帶PS4 / Switch ；

7. 水果不定時由社署提供；

8. 我唔知有冇洗衣液提供，因我本身自備咗納米樂，再用個厚身膠袋裝水手洗洗衫，有衣架提供晾衫；

9. 單位內有窗簾；

10. 冇冷氣係大家最大嘅問題，但真係會慢慢適應，一日起碼沖幾次凍水涼，同埋因為都唔會出街，所以就咁著條短褲就算，又可以洗少啲衫，又可以涼啲；

11. 有專車會接送到隔離中心；

12. 有小朋友嘅家庭一定要帶玩具 (小型game、畫畫 等）；

13. 我自己帶咗好多嘢… (空氣清新機、supplement、牙膏、牙刷、洗頭水、梘液、大量食糧、水果、毛巾、衫褲、吹氣sofa、風扇、switch、小朋友玩具、消毒啫哩、乾濕紙巾、拖鞋、床單、枕頭袋、拖板）；

14. 拖板、冷風風扇好重要；

15. 單位有提供 牙膏、牙刷、抹面毛巾、杯、叉、匙羹、碟、電視、風扇、wifi、枕頭、床墊、床單、衣架；

16. 指定牌子M巾 / 尿片 / 兒童學習褲 要whatsapp中心向社署申請訂，需要兩三日時間；

17. 有電熱水爐提供。」

他於今日（7月25日）再分享早餐餐單：

「A. 菜乾花生豬骨粥 + 菜肉包；
B. 吞拿魚沙律三文治 + 有機田園沙律；
C. 菜乾粥 + 餐包；
D. 牛奶麥皮 + 炒蛋；」

樓主指隔離生活的心態好重要，特別是有小朋友的家庭，因為父母的心態會對小朋友產生極大影響，「所以大家要加油，就算真係要隔離都唔緊要，當係一次入訓練營嘅體驗，俾小朋友知道凡事唔係必然，冷氣唔一定有，好食又一餐，唔好食又一餐。」

最後他向醫護及民安隊隊員表示衷心感，「多謝你哋為我哋提供物資同食物，知道近幾日都好多case（個案），工作量大增，所以我哋會感激你哋嘅付出。……希望大家都可以健康面對今次疾情，大家加油！」