【維港會】偷近千元兒童用品被網上通緝 港媽以兩子女作「擋箭牌」求情

想子女成為正直的人，父母必須先以身作則，做好榜樣。日前在深水埗，一名婦人在「Ladybird’s 甲蟲部屋」精品店內，偷走10多件兒童日用用品。從閉路電視可見，在短短2分半鐘時間內，她一共便偷走了卡通餐盒、水樽、斜孭袋等合共近千港幣的貨品。

精品店後來獲其他客人告知賊人的聯絡方法，但對方電話已停止服務，因而仍未能向她追討損失，於是店方又再次在專頁上發出捉賊啟示。

在案發3日後，精品店又再發出帖文，表示已成功聯絡該名婦人。對方求情指自己育有2個子女，之後又親自回到鋪頭自首賠償。「琴晚當我哋去聯絡呢位小姐嘅時候，佢講咗好多求情嘅說話，到今日嚟嘅時候都表現好有悔意。」

精品店最後看在小朋友份上，故此未再作出追究，但就覺得為人父母，理應要做個好榜樣。「我只係同情小朋友，佢本人一啲都唔值得同情，攞2個仔女嚟做擋箭牌更加可恥。有小朋友更加要做好自己，唔係點教佢哋做個好人？」

事件引起網民關注，有人讚店主善良，「肯認錯都應該原諒，畢竟呢個社會係鼓勵認罪。如果認錯反而會被報警，結果係會個個都唔再返來求情。原諒，唔係因為偷野無錯，而係基於肯悔改」，不過亦有人認為應該報警，「如果唔係公開影片，佢唔會返來俾錢」、「佢嘅悔意只係被發現之後先有」、「我覺得需要告囉⋯⋯佢唔係回頭是岸」。