賀舊同事生日早到早閃 蔡一傑澄清沒跟麥德羅同場

蔡一傑就曾與昨日確診新冠肺炎的麥德羅於本月初出席友人飯局一事，回應稱：「我睇到段新聞都搲晒頭，事緣係前寶麗金同事生日，我晚上七點就去坐咗一陣間祝賀吓畀封利是佢，八點走時見到吳卓羲入嚟，大家開開心心影咗張相我就走嘞，完全冇見過麥德羅同Joey Tang（鄧建明）。多謝大家關心，我日日做運動身體健康，最近我都好少出街，得閒就諗下《傑少煮意》有乜新菜式，疫情嚴重大家都要好好保護自己，少啲出街留喺屋企食飯啦！加油！」