【維港會】捉野鴿屈頸放膠袋綁實 大媽辯稱「救雀」

本港最近屢傳捉野生雀鳥事件，近日又有網民指見到有大媽懷疑捉野鴿，竟徒手將野鴿頸部屈曲塞入膠袋中，聲稱要帶回家「救下佢」。

網民在「巴打絲打」Facebook群組分享影片，稱「請分享這個帖子並舉報這隻鳥罪犯」。只見一名穿紅衣大媽，將一隻野鴿用細網網起，再裝入一個紅色膠袋。拍片者上前質問大媽，大媽就表示「（野鴿）唔知咩病，救吓佢」，又說野鴿已飛不了，否則也不會被捉到。

影片中可見，野鴿全程頸部被屈曲，拍片者擔心野鴿會被「屈死」，大媽就稱「（袋）裡面有空氣，無事無事」。大媽更一邊說「返屋企養咗兩日，都係養唔返，唔知係咪食咗污糟嘢」，疑似不是第一次捉野鴿。最後大媽將紅色膠袋打結綁實便離去。

影片引起熱議，不少網民指大媽不似救雀，「佢擺明想食啦」、「用膠袋裝仲綁到實，明顯想焗死佢嚟燉白鴿」，令人擔心衛生問題，「啲超級菌就係多得呢類人唔少」。