【維港會】大老山隧道廣播聽到譚仔阿姐腔?

「痕車時請勿個線 請用低done」呢句係咪有一份譚仔feel？原來大老山隧道廣播都俾到你呢份熟悉嘅感覺，唔通有譚仔阿姐過咗檔？

話說恒隆傳訊及投資者關係董事關則輝（CF）喺社交平台分享在大老山隊道聽到呢段廣播「痕車時請勿個線 請用低done」，大家聽慣咗譚仔阿姐腔，呢啲唔難估，咪就係「行車時請勿過線 請用低燈」，CF更hashtag咗「#可唔可以要求高D呀呀」，以為佢唔滿意隧道廣播唔夠字正腔圓，但佢其後又留言，話「我反為鍾意譚仔姐姐同我覆單wor」，咁即係點好？