【維港會】八達通機印單收3蚊 港媽呻中伏被呃錢

八達通查閲機就用得多，但打印交易記錄要收錢就不是個個人都知。近日一名港媽用八達通查閲機後列印交易記錄單據，驚見收費欄寫明印一次$3元，令她大感中伏。

港媽在Facebook群組發文指，見到地鐵轉了新的八達通查閲機，「貪得意玩下」，結果發現地鐵印單據要扣多3元。「咁嘅紙要扣3蚊，我本來扣咗都唔知，我個女又貪玩查下，又扣咗3蚊先話我知的。唔係錢多少問題，而係有種好似無端端比人呃咗咁，假設香港有一半人中伏，每人3蚊你地計下係幾多蚊？」

貼文引起網民熱議，不少人都表示不知道印單要收錢，「你唔講我都唔知」、「呃錢」、「多謝提醒」。不過也有網民指出，用港鐵手機Apps已經可以查閲到交易記錄，而查閲機上也寫得很清楚，「好耐架啦。一出呢隻機嘅時候已經係咁...其實個screen 已經寫得好清楚print 要3蚊，只可以話佢指示唔清楚，嚴格黎講佢冇呃人」。