【維港會】自私師奶揀香蕉搣剩「次貨」 網民勸阻反被鬧

人人都想揀靚生果，不過都要為下一手著想，有網民就在大埔一間超級市場，見到香蕉檔「屍橫遍野」，一梳梳蕉慘被搣成一隻隻，令網民大呼自私，呼籲大家改掉壞習慣，引起網民共鳴。

有網民在「Tai Po大埔」發文，見到師奶揀香蕉，「點解係生果檔唔會逐隻搣開香蕉黎揀，超級市場就理所當然咁每揪搣揀幾隻最靚？」只見一隻隻香蕉殘缺不全，有的頂部更被搣開露出蕉肉。網民指自己已經盡量買散裝香蕉整蛋糕，但不代表「你就可以逐隻揀，其他人就一定要買你留低嘅次貨」。

她上前叫師奶們不要這樣，但就反被鬧「痴線」，更說「擺低有其他人會買」。「本身個皮淨係花咗少少，但你搣咗落嚟就係垃圾，你買一次香蕉就白白浪費三四隻」。她怒斥每日有大批被搣開的香蕉當垃圾被掉走，無奈發文拜托大家改掉這種陋習不要太自私。

帖文引起網民共鳴，「好多人話，超市既然無搵膠紙紮好疏香蕉，即係可以逐疏搣喎...無言」、「仲有用d手指甲去『咪』西瓜，揀唔啱當啲橙波咁掉」。