3歲小鐵漢度過術後24小時 醒來第一件事：要爸爸！

3歲的小鐵漢昨日完成心臟手術後，仍留院ICU，爸爸在社交網站更新兒子的新消息，表示兒子已醒來並度過術後危險期的第一個24小時，更向姑娘表示要爸爸，爸爸感謝大家的關心同支持，希望用小鐵漢健康出院報答大家！ 

爸爸Jayco發文表示兒子已度過術後危險期的第一個24小時，「阿仔中午12點左右醒咗，ICU姑娘問佢係咪要爸爸，佢識點頭回應『係』，跟住醫生驚佢太醒會抆啲喉所以俾咗啲瞓覺藥佢繼續瞓。」

Jayco表示兒子面有血色，手腳都好暖，今日嘗試讓他不用喉呼吸，一切順利的話，很快就可以離開ICU，轉回普通病房了！

為陪伴着兒子，Jayco通宵留守ICU48小時，他表示除了想支持兒子外，最主要原因是驚心這48小時入面會發生甚麼事。「萬一有事發生（大吉利事），要緊急做多次手術，我都可以第一時間簽同意書唔會延誤治療。」Jayco在此再一次多謝大家嘅關心同支持，希望小鐵漢快啲出院健健康康報答大家！

雖然小鐵漢很勇敢地完成今次的手術，但爸媽表示2年後還有一個手術(單心室循環Phase 3)要做，「唔洗驚，有爸爸媽媽陪你一齊打‼一定掂！仔仔要加油呀，我地好愛你！」