【賭王離世】幽默風趣常爆金句 曾指賭場如印銀紙「日日印無法子窮」

賭王何鴻燊今午於養和醫院離世，享年98歲。何鴻燊曾多次接受傳媒訪問，當中爆出不少金句。

-「佢已肥到襪都著唔落。」（反對西九文化區項目單一招標）
　
-「我們賭場等於印銀紙一樣，日日印銀紙，無法子窮。」（美國財經雜誌《福布斯》公布香港富豪榜，賭王急跌至第十九位，指他身家縮水九成）

-「今日澳博可以上市，證明『真金不怕紅爐火』，可以剝到佢棚牙！證明『邪不能勝正』。」（被問到何婉琪（十姑娘）多次阻撓澳博控股上市，賭王妙語如珠回應）

-「贏不是錢，最重要要贏不要輸，我行業的字典內沒有輸字！」（賭王的愛駒「爆冷」蟬聯香港金盃，除了贏得四百多萬獎金外，亦贏得了面子）

-「男人可以玩，唔可以唱，佢仲差過唱，影埋相，全世界都知，全世界都睇到。」（對於陳冠希裸照事件，賭王批評陳不負責任）

-「男人對老婆一樣要三從四得，就是老婆化妝要等得、鬧人時要忍得、買東西要捨得。笑容要似哈巴狗，但千祈唔好淪為「烚熟狗頭」，對情人、太太都要好，所以要送九卡寶石同九九九九金飾。（教男士愛錫老婆）

-「如果男朋友約你食嘢，你就餓狗搶屎咁，乜嘢男朋友都走晒啦！」（教女士要有矜持）

-「當時窮起上嚟嗰陣時，啲人另眼相看，見到我都運路行，驚我同佢借錢，故此我嘗過呢個味道，就識得要發奮。」（憶述年少家道中落）

-「我一向勸人哋將賭博當係玩耍、娛樂，但係千祈唔好過份賭，過份賭未必有得贏嘅，因為我係抽水嘅，但啲人往往唔聽嘅。」（勸勿沉迷賭博）

-「迫我講咗七年大話，年年都話 (樓市)就快好番，大家放心，一定得，實係揞住個心講。」（05年批評前特首董建華八萬五政策）

-「有少少錢的人，都不想同那些搔腳趾的人一齊住。」（反對北角邨採用混合模式發展）