孖湯盈盈等到復課好開心　呂慧儀爆囝囝最掛住坐校車

新冠肺炎疫情下全港學生停課數月，除了學生嗌悶外，一眾家長都忙於24小時照顧子女。隨著疫情漸放緩，政府宣佈陸續在本周三分階段復課。
兩位星媽湯盈盈同呂慧儀（長腳蟹），於疫情期間既要開廠拍處境劇《愛．回家之開心速遞》，還要照顧小朋友，非常辛苦，現在終於等到復課，她們都要為子女作準備。湯盈盈謂因為在學校不能分享物件，所以要重新為女兒整理筆盒，並笑意盈盈謂：「雖然返得嗰8日，我哋都好開心，佢哋好想見先生同埋同學仔。」她又說這期間經常網䐟，被老公錢嘉樂投訴，話買得太多玩具給兩個女玩。
阿蟹則謂先要調節囝囝「蟹籽」作息時間，之前學校安排的功課現在要再檢查一次，希望能重拾進度。她又爆囝囝非常掛念再坐校車返學，懷疑囝囝是否有鍾情的女同學同車。