幫師弟洪嘉豪打歌薛凱琪主動扮「長頸鹿小姐」

2020-05-23 12:00

華納唱片歌手洪嘉豪昨晚喺IG社交平台貼出一段「自問自答」的直播片段，片中洪嘉豪與失散多年嘅「孖生兄弟」洪嘉豪連線對話。當洪嘉豪被兄弟洪嘉豪問到喜歡什麼動物的時候，嘉豪便說自己一直很喜歡長頸鹿，然後大膽說公司剛好有一隻，要帶觀眾去欣賞，撥開盆栽後，隱約見到背向鏡頭嘅「長頸鹿小姐」薛凱琪(Fiona)邊扭動patpat跳舞邊作狀食盆栽。嘉豪忍不住追問「長頸鹿小姐」何時推出新歌？鏡頭前的Fiona只係發出食嘢嗒嗒聲，望著嘉豪未有回答。最後「孖生兄弟」齊齊合唱新歌《自問自答》。

呢個別開生面嘅手法，除咗幫到洪嘉豪打歌外，華納唱片仲乘機公佈Fiona回巢。原來當日二人不約而同喺公司做嘢，宣傳緊新歌《自問自答》嘅洪嘉豪膽粗粗問師姐可否一起拍攝宣傳片？非常疼錫後輩嘅Fiona竟主動提出扮演長頸鹿角色。