方媛520大晒恩愛城城揸水上電單車冧妻

2020-05-20 19:55

現年54歲樂壇天王郭富城2017年3月與方媛（Moka）結婚，育有一對寶貝女兒Chantelle和Charlotte，兩公婆恩愛到不得了，之前喺城城慈善演唱會上，城嫂仲帶同大寶Chantelle到場支持，一家三口罕有地公開合照。

趁住今日係520一個特別嘅日子（國語有「我愛你」諧音），城城難得唔使開工，就帶著老婆出海玩水上電單車，二人世界過節，Moka貼出同城城出海短片晒恩愛，並留言：「祝大家2020 520快樂！水上畫個愛心送給你們。」文後還附加個心心，Sweet爆！片中兩公婆身穿救生衣，帶上黑超嘅Moka攬到實城城，高調放閃，城城更一面得戚咁載住老婆喺水面打圈，好浪漫呀！尾段的大特寫鏡頭，清楚見到城城一臉滿足嘅開心樣，強壯臂彎仲令老婆好有安全感添，man爆！