【維港會】開內會買1500蚊芒果 葛珮帆：買畀媽咪朋友試吓

立法會內務委員會今日舉行選舉主席程序期間，民建聯立法會議員葛珮帆被傳媒發現，善用投票程序的14分鐘時間，以 手機程式WhatsApp 下訂兩箱共12顆芒果，合共1500港元，成為網民熱話。

「芒果風波」霎時間鬧哄哄，葛珮帆晚上就解畫，稱今日「內會投咗票之後，等緊點票時睇吓電話，見到朋友發來話買咗批特別嘅芒果，叫做蜜雪芒，未試過，諗住買畀媽咪及朋友試吓，立即留咗兩盒」。

葛珮帆又話，估唔到大家對佢買芒果都咁有興趣，「當幫呢隻芒果免費宣傳啦！仲可以支持吓啲小商戶」。

原來蜜雪芒果（又稱高雄四號），蜜雪芒果為台灣高雄農業研究團隊最新研發的芒果，為夏雪芒果及愛文芒果的混種。甜度比愛文甜，肉質也較細，重要的是儲存期長，大約可比一般愛文多4至5天。

高雄區農業改良場從2001年投入愛文芒果的研究，經過10年研發，育成「高雄4號」，由於果皮桃紅，就像水蜜桃的顏色，因此命名為「蜜雪」。2016年在台灣首賣。約2018年開始在市場上流通，現時產量及供應量都很少，是台灣第二個有身分認證的芒果。