星島日報

做完城城先幫黎明 雷頌德認笨唔敢食兩家茶禮

2020-05-07 18:14
雷頌德成功令黎明、郭富城歌唱事業更上一層樓。
雷頌德成功令黎明、郭富城歌唱事業更上一層樓。

樂壇四大天王中,雷頌德(Mark)跟黎明及郭富城都好有淵源。之前他接受J2節目《我們的音樂時代》主持人許文軒(Edmond)訪問時剖白說:「當時四大天王已經好紅,開始有阻力,係小美搵我打做郭富城,我要幫佢更上一層樓嘅同時,亦要省靚我自己嘅招牌,因為《純真傳說》同《強》嘅成功,先開始多人用我嘅歌。」

「另方面,黎明亦有搵過我,但我推咗,我認我笨,我覺得冇理由食幾家茶禮,咁樣唔Work,因為四位天王喺市埸上已經係鬥緊,直至郭富城冇搵我做,我先應承黎明。當時黎明去到一個樽頸、停頓位,我又要幫佢洗底,成為洗底王,全力做咗《情深說話未曾講》。」

至於為黎明打造快歌原來係Leon主意:「佢話個市場冇乜歌曲可以令人跳舞,所以我即刻寫咗好多首,點知佢唔收貨話唔OK,話呢啲唔係亞洲人嘅快歌,未能令人聞歌起舞,嘩!佢話我啲嘢唔得喎!當時我哋有啲衝突,佢叫我跟佢去韓國,我哋落咗當地嘅Club同Disco去感受咩先係亞洲人嘅跳舞歌,仲留咗喺韓國個幾星期研究,之後做咗《全日愛》同《眼睛想旅行》等」

雷頌德成功令黎明、郭富城歌唱事業更上一層樓。
雷頌德成功令黎明、郭富城歌唱事業更上一層樓。
雷頌德接受主播人許文軒訪問。
雷頌德接受主播人許文軒訪問。

因為疫情關係,居英嘅雷頌德和妻兒留在英國大宅抗疫,減少外出。
因為疫情關係,居英嘅雷頌德和妻兒留在英國大宅抗疫,減少外出。
除咗係工作上會有少少衝突,Mark和黎明、陳慧琳好老友。
除咗係工作上會有少少衝突,Mark和黎明、陳慧琳好老友。

最新回應

關鍵字

相關新聞

熱門文章