星島日報

【頭條獨家】事業為重唔敢冧袁澧林 楊天宇逆巿獲公司續約

2020-05-03 21:00
Angus承認同袁澧林好夾,大家都鍾意演戲同打排球。
Angus承認同袁澧林好夾,大家都鍾意演戲同打排球。

新人楊天宇(Angus)入行兩年多,最近在逆巿下獲公司英皇再續約,當然值得開心,他仲好感恩公司給予不少學習和演出機會,更有幸拍住偶像謝霆鋒和惠英紅。講到最想拍題材,25歲的Angus坦言恨拍青春愛情故事,因深明青春有限,更坦承對手是早前傳出緋聞的「文青女神」袁澧林也不錯,但他強調雖然跟女方好夾,但目前事業為重不談感情。撰文:杜淑霞 攝影:李維隆 髮型:Ritz [email protected] 3 Hair Corner 服裝:BEAUTY&[email protected] 場地:英皇駿景酒店

疫情下,Angus的演出機會不減,將會接拍ViuTV新劇及兩套電影。
疫情下,Angus的演出機會不減,將會接拍ViuTV新劇及兩套電影。
早前Angus跟「文青女神」袁澧林傳出緋聞。
早前Angus跟「文青女神」袁澧林傳出緋聞。


對於未完約便獲續約,Angus興奮說:「一嚟有少少驚訝嘅;二嚟好開心,證明大家鍾意大家嘛!因為呢啲唔係單方面可以發生,肯定係我鍾意公司,公司又feel到我鍾意公司,公司又好似幾鍾意我咁樣先可以發生,呢件事我係覺得幾開心。」

師姐容祖兒都大讚六呎高的Angus,擁有fit爆身形。
師姐容祖兒都大讚六呎高的Angus,擁有fit爆身形。
Angus入行首部作品,便是拍攝劇集《PTU機動部隊》演軍裝警察。
Angus入行首部作品,便是拍攝劇集《PTU機動部隊》演軍裝警察。



望作品留住青春
Angus入行短短日子,已經有幸在電影《速戰》和《怒火》先後跟偶像惠英紅和謝霆鋒合作,可惜對手戲不算多,他坦承好想有機會再跟兩位前輩合作偷師。不過,講到最恨的工作機會,他竟然話想拍青春劇集或者電影,「人係會老嘅,所以特別想拍,希望留住,入行如果好彩有得拍春青劇或者電影,畀你記錄住人生其中一個階段啦!同埋呢個階段仲好相信初戀或者戀愛嘅。」問Angus是否想透過演戲過拍拖癮?他笑說:「都OK㗎!哈哈!」但問到拍檔搵緋聞女友袁澧林時,他即露出尷尬傻笑,又坦承跟對方有共同打排球興趣,近排都經常有見面,講到兩人合作機會他就話:「係咪佢其實唔緊要,但同佢一齊上過表演堂,一齊做過練習,做演員對方熟啲係會好啲,大家會更加有默契嘛!」不過講到感情事,他強調公司冇唔准拍拖,「公司話只要專一就得,係我自己想專心工作先。」

於美國西雅圖華盛頓大學主修經濟的Angus,父母親自參加他的畢業禮。
於美國西雅圖華盛頓大學主修經濟的Angus,父母親自參加他的畢業禮。
早前Angus跟師兄關智斌和陳家樂主持網上節目《三夫當關》。
早前Angus跟師兄關智斌和陳家樂主持網上節目《三夫當關》。

最新回應

關鍵字

相關新聞

熱門文章