莊端兒有潔癖不喜車尾進食 邵仲衡同女神張可頤拍劇有咀戲

邵仲衡夥莊端兒為食肆擔任一小時店長，售賣各式中式餅點。邵仲衡說老闆帶他參觀廚房，規模大如酒樓，更得知老闆不時會派飯給老人家及有需要人士。

莊端兒同樣留家抗疫，因仍然單身變相外賣菜式選擇不多。邵仲衡笑言接受她邀請共進晚餐，二人默契地表示不好甜食。莊端兒笑說：「我有少少潔癖，唔會喺車尾食嘢。我食嘢好論盡，唔想食完要吸塵。」

此外，邵仲衡正為ViuTV拍攝新劇，劇中跟張可頤飾演夫妻。他笑說：「以前喺內地生活都係睇TVB劇集，張可頤係我哋呢輩麻甩佬女神，估唔到依家活生生可以同佢合作。」他透露劇本他們有咀戲，但會以衛生及安全為大前提，借位拍攝都可。