【維港會】 港媽大埔街市買碎豬肉煲粥 女兒食出魚骨鯁喉嚨咳出血

超市和街市的食物，未必似看上去的新鮮，有港媽在大埔大元商場一間肉檔，買了碎豬肉煲粥，豈料女兒就食出魚骨，更鯁在喉嚨令她咳到有血絲，令港媽怒呻下次自己剁豬肉好過。

港媽在「Tai Po大埔」群組發文，表示自己煲了瘦肉粥，不過女兒「食食下點知話口嚨痛有骨吉住」，港媽感到非常奇怪，瘦肉粥怎會有魚骨？怎知一檢查女女兒喉嚨，「見到到成條魚骨插咗喺口嚨到」，之後更再在其餘炒好的肉碎找到好多條魚骨的物體。

港媽之後找豬肉佬理論，但他無道歉不特止，更堅持不是魚骨是豬骨，更叫她拿去化驗，「可能我真喺見識少啦未見過咁嘅豬骨囉，今次好彩阿女唔使睇醫生，只喺咳到有啲血絲。以後想食豬肉碎都係自己剁好過！因為唔知佢哋攪肉碎機有幾乾淨！」

有網民就表示，可能是攪肉機之前攪完魚肉未清理乾淨，亦有人認為或只是豬毛。不過也有幫襯同一間肉檔的網民指，之前也有遇過相似情況。