【維港會】「大笨象揸支槍去打仗」下句係咩？一個答案測你邊區長大

唔少人都聽過「大笨象，揸支槍，去打仗」呢句押韻童謠，但下一句係咩原來有兩個版本！藝人梁祖堯喺ViuTV節目《空肚講宵夜》中提到，可憑答案就測到你係港島還是九龍新界區長大，在網上掀起熱話。

梁祖堯喺節目中提到，「大笨象，揸支槍，去打仗，???，返嚟食碗辣椒醬」第4句有兩個版本，分別係「打唔贏」及「打完仗」，佢仲聲稱「100%核實」，港島區長大的人聽到係「打完仗」，而九龍及新界區長大的係「打唔贏」。節目另外兩位主持蔡瀚億及陳俞希，都答「打唔贏，返嚟食碗辣椒醬。」，並應驗有關說法。

這個講法成為網民熱話，有網民就話好準；但亦有網民表示由細到大都聽過兩個版本。有網民則聲稱，這首童謠原本就有兩段，前段用「打完仗，返嚟食碗鹹酸薑」，第二段則係「打唔贏，返嚟食碗辣椒醬」。