【開始衰退】許志安愛犬15歲牛一 鄭秀文感激常伴左右

許志安的愛犬Lucky尋日15歲生日，鄭秀文抱住愛貓肥Mike賀佢，仲有好友送來米飯雞肉蛋糕賀壽星狗，因為Lucky年紀大易肚痾唔可以再食真嘅生日蛋糕，唔緊要啦，咪仲健康啲。

Sammi見到Lucky已15歲有感而發，「感恩啊！牠行動力已經大大衰退，但都一直都儘力陪伴我左右。牠已經不能自如地坐起來走路也一拐一拐，有時連想坐準一個位置都很吃力，但牠天生平和的個性使牠像個乖孝安逸的老人家。但肥mike就是性格巨星，寸寸供，一副厭世臉。Lucky， happy birthday， 謝謝你帶給的快樂和幸福感。」

好多圈中人都送上生日祝福，包括阿Sa、梁漢文、周慧敏、梁詠琪等，而方力申就留言:「15歲真厲害，祝Lucky繼續健康快樂！我記得lucky大約1歲的時候見過他一次，時間過得真快，一轉眼已經14年了。」
Lucky生日快樂呀，祝你健康到老。