無懼疫情「尋歡」 男子失1200元 ：我有咁嘅需要

一名64歲姓劉男子，凌晨到油麻地上海街附近「尋歡」，與一名非裔女子到某大廈單位度「春宵」，並同意支付200元肉金，至凌晨一時許，男事主發現銀包內兩張500元紙幣及兩張100元紙幣不翼而飛，合共損失1200元，懷疑被偷竊，報警處理。

劉先生表示，當時衣服放在大門旁邊椅子，過程中女子未曾離開。劉先生坦言是首次光顧，又指自己三度離婚，「我無對我老婆唔住，離咗婚，我有咁嘅需要，我畀錢，正常交易。」

近月新冠肺炎疫情持續，人人自危，劉先生仍表示不擔心，「有需要你就要咁做，唔係我都唔會咁樣走嚟呢度，係咪先，仲要搵個叉妹。係我搵佢，唔好話佢兜塔我，企晒喺街度嘛。」