星島日報

【維港會】民主派坐擁17區會 徐英偉:多溝通多聯繫

2020-04-22 13:56
徐英偉笑言要和民主派多溝通多聯繫。
徐英偉笑言要和民主派多溝通多聯繫。

民政事務局局長徐英偉今日朝早剛剛履新。記者午飯時候就在立法會門外天橋「野生捕獲」徐英偉,梗係即刻捉住佢講兩句啦!徐英偉就話,入政府十二年,「好開心可以返到去民政大家庭」,直言上任後好多嘢做,「好多功夫要做,疫情底下先做抗疫,但係抗疫之後的事情都要考慮,會繼續和各界緊密聯繫」,民主派現時坐擁十七個區議會,他就笑言「去到社區,其實好多市民的民生項目都係不分黨派」。

民政事務局早前以抗疫為由削減民主派撥款百分之一至五的常年撥款,徐英偉表示自己有留意,「其實係區議會嘅撥款裏面呢,喺唔同嘅情況,係會有加加減減」,「但係我睇返個數字,其實而家係區裡面,好多活動而家係搞唔到」,強調局方不是取走撥款,而是用在社區作抗疫,好好運用。他說區議會是民政局在地區合作的重要夥伴,又提到東區區議會副主席趙家賢及離島區議會主席余漢坤有發短訊給他,希望未來大家可以多溝通多聯繫。

區議會選舉曾出現DQ事件,被問到對DQ看法,他直言「要搵返政制局長」,民政的工作不少都是民生項目,民生項目都沒有分政黨背景,在疫情之下大家都要同心抗疫,而政府都有角色,「我哋都需要行多步,做多啲」,執行政策時要多點逆向思維,未來期待與各界加強工作。

最新回應

關鍵字

相關新聞

熱門文章