星島日報

【頭條獨家】唔怕老公詐型 姜麗文讚王梓軒好大隻

2020-04-17 20:33
兩人做足一小時運動,輕鬆過關。
兩人做足一小時運動,輕鬆過關。

近日全球受新冠肺炎疫情影響,不少人響應呼籲盡量留在家中,網上因而出現不少「Challenge」。身在洛杉磯嘅王梓軒(Jonathan)隔空挑戰比他大一歲,現年34歲嘅「索人妻」姜麗文(Lesley),跟她齊齊運動抗疫,梓軒話:「我同Lesley都係玩開運動,於是我挑戰佢,大家各揀5個動作,亦希望觀眾一齊做。」兩人做到出晒汗,上氣唔接下氣,做足一小時,一啲都唔hea,着住運動褲及運動Bra 的Lesley仲做到擘晒脾,彎晒身,玩得相當投入。其間Lesley仲唔怕老公仔Pakho呷醋,多番大讚梓軒身形好hot好大隻!

鬼妹仔嘅Lesley,中文向來唔多好,運動其間發生唔少笑料,喺做完上半身熱身後,Lesley隨意說:「你做下體熱身啦!」梓軒滴住汗反問:「下體?」Lesley大笑話:「講錯咗,哈哈!我係想講下半身,其實每一個人拉筋嘅system都好唔同。」兩人不時提醒觀眾留意呼吸同飲水,唔可以坐低,梓軒話:「Don't sit down!一坐低個人就會放軟,好難恢復……」過了半小時後,梓軒突然收到IG通知需要收費,梓軒好「豪」咁話:「8蚊我畀!」Lesley拍晒手話:「為咗我哋大眾健康!」

兩人做足一小時運動,輕鬆過關。
兩人做足一小時運動,輕鬆過關。
Lesley仲做到擘晒脾,玩得相當投入。
Lesley仲做到擘晒脾,玩得相當投入。

除咗做運動外,兩人更分享近況,梓軒話:「我乖乖留喺屋企做吓運動,同埋度緊新項目,疫情爆發前我係要出去上堂,𠵱家出唔到街改咗online學。」梓軒續指,當地除咗必需品嘅店舖開門,其餘店舖一律停水停電。而Lesley最近除咗拍TVB新劇《踩過界2》外還會去買餸煮飯仔留家抗疫:「呢排都係同老公喺屋企打機,唔見朋友呀!之前有一段時間好down,之後開始睇書,要繼續學多啲嘢……」兩人更推薦多本書籍,Lesley更介紹一本parenting嘅書,為將來教育小朋友作好準備。

兩人做開運動玩「Challenge」無難度。
兩人做開運動玩「Challenge」無難度。
新婚Lesley唔使拍戲就留喺家中陪吓老公仔。
新婚Lesley唔使拍戲就留喺家中陪吓老公仔。

姜麗文同爸爸Paul哥齊齊拍TVB新劇。
姜麗文同爸爸Paul哥齊齊拍TVB新劇。
梓軒身形大大隻,有多塊腹肌喎。
梓軒身形大大隻,有多塊腹肌喎。
34歲嘅姜麗文身材都好索。
34歲嘅姜麗文身材都好索。
姜麗文平日出街去買餸嘅抗疫裝扮。
姜麗文平日出街去買餸嘅抗疫裝扮。

最新回應

關鍵字

相關新聞

熱門文章