【睇見都痛！】好日唔出街 田蕊妮一出就仆親

昨日在社交平台宣佈跟TVB正式完約的田蕊妮，除了趁機答謝一班支持她多年的觀眾外，亦講明未知將來動向，但就好想接受不同新挑戰。其實呢排阿田雖然唔使開工，宅在家的她一樣好多活動，要主力活動就是煲劇。不過呢日她難得出關，竟然就發生意外，她在社交平台貼上左邊膝頭受傷照，並寫道：「正所謂好日唔出街，一出街就仆街。睇嚟我都係時候要學返點樣行路。＃係邊度跌倒，就要係邊度企返起身。」睇嚟阿田呢排少出街，真係差啲連路都唔識行喎！都係少出街為妙啦！