患者堅持自然療法 醫生呻無防疫意識：搞壞晒防線

本港自今年1月底起出現首宗新冠肺炎確診個案，至3月前的每日確診個案均維持低位，但3月中過後，留學生及外遊回港人士增多，接連出現多宗外地傳入個案，導致新一波疫情爆發。一位自稱Dirty Team（專責在隔離病房照顧染疫病人的隊伍）醫生，在社交網站facebook專頁HA Secrets發文，分享在「dirty ward（病房）入面令人怒不可言的事實」。

這位醫生表示，在這群由外地返港的留學生及持香港身分證的「外國人」中，依自己及其他區的同事所見，差不多10個中有至少7至8人均染疫。他表示，當中大部分人都是因為當地防疫措施較差而選擇回港。

由於驗出確診後便要由醫生處方藥物，但這批人不明白新冠肺炎根本無實際藥物去醫，又怕食藥有事，於是不簽同意書，並進行「自然療法」，「即是留喺個隔離病房入面食panadol（必理痛），可能打少少無乜用的普通antibiotic（抗生素），或者乜都無齋住，咁樣好自然香港開幾多個第1,2 ,3……線的隔離病房都唔夠用。」

另外，這位醫生表示因為要簽同意書，試過有確診者表示自己識講中文，他於是拿著中文版的同意書，穿好保護衣物入去隔離病房，但說不夠10秒，對方又突然表示自己不懂中文，要求英文同意書，由於當時護士在忙，所以他唯有「除晒呢一身保護衣物，去電腦印過一份英文同意書，再重新著一套新的保護衣物行入去，再講過，不用說，佢又因為怕藥而turn down唔簽唔食藥。」他慨嘆這樣就是一宗個案，用了兩套保護衣物，但所有藥都沒有下。

發文的醫生直指，很多留學生不懂分辨事情大小，連同他們的家人也「陪住一齊癲」，有確診者家長由家中拿了一個樂器，透過護士交給確診子女；也有確診者要求父母帶遊戲機到醫院玩最新遊戲。醫生反問，「佢地明唔明白自己已經係確診個案？屋企人仲俾呢啲咁嘅嘢俾個仔女，即是叫確診者留低啲病毒喺件物品上，用消毒火酒抹都未必抹得乾淨掛？佢再之後出院時帶住返出去社區令他人再受感染？」

這位醫生表示自己不明白這班人為甚麼要回港，「佢哋無防疫意識，又無抗疫意向，原本3月頭好地地的防線被佢地搞壞晒，剪手帶、唔入院、唔食藥、要求自然療法，點解我哋真係本土的香港人要俾呢班害事的香港人搞壞晒？」

來源：HA Secrets