星島日報

【再派福袋送暖】 月底返英國長住 喬寶寶被兒子勒令要自我隔離14天

2020-03-16 18:26
返英國慰妻前,喬寶寶不停派口罩及福袋送暖。
返英國慰妻前,喬寶寶不停派口罩及福袋送暖。

「口罩王子」喬寶寶日前再次行善,和藝人邱晴參與「I Love You 3000」愛心福袋送贈活動,共派3000個福袋,每位65歲以上長者可獲兩個福袋,當中有雨傘、洗手液、口罩、餅乾。汲取過上次經驗,長者先攞籌,再分三個時段去指定的食店領取,所以秩序良好,有長者開心得畀Like寶寶,大讚他好有善心,唔係沽名釣譽,好抵讚。  



大仔Inderpal怕他喺機上染病,叮囑他要自我隔離14日才回家見妻兒。
大仔Inderpal怕他喺機上染病,叮囑他要自我隔離14日才回家見妻兒。
喬寶寶將長居蘇格蘭慰妻。
喬寶寶將長居蘇格蘭慰妻。

喬寶寶月底便飛返英國格拉斯哥定居,和妻兒團聚。對於新型冠狀病毒肺炎全球大流行,疫情蔓延全球,英國也是重災區,當地防疫物資被搶購一空,喬寶寶唯有帶大量口罩及洗手液回家,供給家人及轉送左鄰右里。他無奈道:「雖然蘇格蘭疫情唔及倫敦嚴重,但都有200單確診,喺家細仔停學,大仔『印度豹』Inderpal就home office,最高危反而係印籍醫師新抱Manjit,因為佢出入醫院,現階段唔夠醫護人手,仲冇得放假。我喺當地經營嘅印度餐廳都受影響㗎,因為印度餐多數係做自助餐,疫情下唯有轉做外賣。真係估唔到以前係老婆擔心我喺香港嘅狀況,𠵱家輪到我去擔心佢哋。返英國格拉斯哥喺中東轉機,中東都好高危,到時盡量唔食唔屙,戴住口罩防疫,『印度豹』叫我返到去唔好第一時間同阿媽報到,始終坐飛機都有感染風險,佢叫我自我隔離14日先好同家人相聚。」

喬寶寶在蘇格蘭的印度餐廳,生意都受疫情影響。
喬寶寶在蘇格蘭的印度餐廳,生意都受疫情影響。
新抱仔係醫師,出入高危地方,都令喬寶寶好擔心。
新抱仔係醫師,出入高危地方,都令喬寶寶好擔心。

之前喬寶寶率先派口罩,藝人一呼百應。
之前喬寶寶率先派口罩,藝人一呼百應。
喬寶寶堅持身體好,唔多擔心受感染,但當然要做好防疫意識,戴口罩及勤洗手。
喬寶寶堅持身體好,唔多擔心受感染,但當然要做好防疫意識,戴口罩及勤洗手。

最新回應

關鍵字

相關新聞

熱門文章