零妝演兜踎黑社會林家棟鼓勵新導演冇收片酬

2020-03-11 20:28

日前，林家棟、袁富華、白只及杜燕歌等為第四屆首部劇情電影計劃的大專組合得獎項目電影《手捲煙》在九龍城取景拍攝，家棟表示今次扮演的角色好兜踎，所以全程素顏上陣，戲中會跟黑社會大哥袁富華搵食。

扮演黑社會大哥的袁富華戴住浮誇金飾現身，他表示戲中對人見利忘義，只要有利可圖的事也會做。談到可遇過見利忘義之人，他說：「我只記得識家棟時，佢好睇我，完全唔覺得我兜踎，當時去無綫客串演出，佢都唔知我係邊個，都好關心我，但佢對任何人都關心。」家棟坦言試過幫助朋友，反而收到對方傳來的訊息指尊嚴受損。他說：「那一刻我好難過，生平第一次叫人出嚟陪我飲酒。我覺得幫助佢，點解會怨我呢？但我唔會因為咁樣，以後唔去幫人，不過幫完唔使多謝我。」

談到該片為第四屆首部劇情電影計劃的大專組合得獎項目的電影，家棟坦言製作費不多，加上新導演執導，所以沒有收片酬，覺得要鼓勵他們。問到該片若票房大賣，可會要求分花紅？家棟說：「我想佢拍好啲畀觀眾睇到新導演都有能力就夠，盡力去拍，對得住觀眾，呢個最緊要。」

關鍵字