星島日報

落雨行山全身濕透 陳曉華晒性感跌膊Look呃Like

2020-03-09 15:03
陳曉華雨天行山不忘打卡呃Like。
陳曉華雨天行山不忘打卡呃Like。

近日,不少市民為「避炎」都選擇到郊外呼吸新鮮空氣,行山亦成為圈中人最愛的活動之一,昨日就輪到2018年港姐冠軍陳曉華(Hera)與閨密上山打卡,豈料天公不造美,一行人爬了三分一路程便開始落毛毛雨,眾人諗住快快行埋落山之際,點知仲突然傾盤大雨,搞到Hera全身濕晒,她昨晚亦於社交網出Po分享狼狽過程:「行足差唔多個幾鐘落山都係同大雨渡過,見到身邊好多人跌親,行到呢度終於終於終於停雨,但已經差唔多行完,所以全身都係濕,連頭髮都係,我只係想話,婦女節快樂。」

穿上Sports Bra的陳曉華刻意將外套拉低變「跌膊Look」。
穿上Sports Bra的陳曉華刻意將外套拉低變「跌膊Look」。
行山期間,陳曉華似乎都無戴口罩喎。
行山期間,陳曉華似乎都無戴口罩喎。

雖然天雨路滑,又由頭濕到落腳,但Hera都不忘邊行邊自拍紀錄一下,其間好似拍洗頭水廣告咁,對鏡頭狂揈濕立立的頭髮,不過似乎她們全程都冇戴口罩。之後見雨勢減弱,仲即刻坐喺山邊欄杆,叫老友幫手影番張呃Like相,穿上Sports Bra的她更特登將件外套拉低變「跌膊Look」,認真香豔,連好友江嘉敏都忍不住留言:「做乜着咁少!冇我喺到唔准呀!」此外,不少網友也留言大讚Hera索:「健康嘅性感,雨中嘅陽光」、「咁好身材」、「二度發育⁉️!?」等。

行行吓忽然傾盤大雨,陳曉華由頭濕到落腳。
行行吓忽然傾盤大雨,陳曉華由頭濕到落腳。
陳曉華之後繼續晒性感照。
陳曉華之後繼續晒性感照。

天雨路滑,陳曉華都話見到身邊好多人跌親。
天雨路滑,陳曉華都話見到身邊好多人跌親。
陳曉華仲幫朋友仔影相,港女真係好鍾意打卡。
陳曉華仲幫朋友仔影相,港女真係好鍾意打卡。

最新回應

關鍵字

相關新聞

熱門文章