【維港會】阿伯向食店閘門鎖吐痰 網民鬧缺德:10日已吐幾次

2020-03-03 16:50
王孖記果子FB
王孖記果子FB

新冠肺炎經飛沫傳染,人人出街都會戴口罩保護自己。不過繼之前一位上水大媽惡意對職員吐口水後,有網民發現長沙灣有阿伯對小店鐵閘門口手柄吐痰,被鬧爆缺德。

食店「王孖記果子」在專頁公開閉路電視片段,求問長沙灣街坊有無見過這位阿伯。只見這位阿伯無戴口罩,行至店舖鐵閘,直接一口痰吐在門柄上,然後大搖大擺離去。「老細想搵佢傾下計!老細相信此object 在附近居住或者係附近做看更,係疫境時期唔帶口罩出街,仲數日向小店鐵閘門口手柄吐痰,做埋d咁缺德嘅行為!」

有知情網民爆料「十日入面已經吐咗幾次,隔日就過黎吐痰,然後老闆為咗呢件事先裝門口cctv,一裝完就捉到條廢佬,你話佢吐得幾密,仲要吐正個開鎖位,唔係隨意,係特登架!」行為令網民髮指,紛紛留言「貼街招尋人」、「Print佢張相出嚟貼門口啦」更有人出招「我建議你拉左閘落嚟先,喺裏面睇住CCTV,等佢一行埋嚟即刻彈出嚟」。

王孖記果子FB
王孖記果子FB

關鍵字

最新回應

關鍵字

相關新聞

熱門文章