【維港會】老婦超市買唔到濕紙巾 熱心網民轉讓獲激讚

市面清潔消毒物品短缺，買到買唔到係要靠彩數。有網民今日在超市買到2包抹手濕紙巾，付款後聽到後方一名年長婦人買不到濕紙巾，網民於是「膽粗粗」折返向婦人讓出2包濕紙巾。

網民在facebook發文透露，今日去連鎖超市，見到貨架上空空如也，但高處有2包濕紙巾懷疑太隱蔽被人遺漏，於是就買2包。網民付款後，聽到後面一名婆婆問收銀員「仲有無濕紙巾，前面哥哥揸住個啲」，收銀員站高望一望就指「無曬啦」。

網民稱，起初已經離開，但見到婆婆好像好失望，於是「膽粗粗行返轉頭，讓畀個婆婆」。網民引述婆婆「膽粗粗行返轉頭，讓畀個婆婆」，估計老夫婦比他更有需要。婆婆反應十分激動，「好多地方都買唔到，屋企成幾個人用」。網民向對方說好小事，「我都明架，宜家生活艱難，你哋有需要過我啦」。