【維港會】Ann姐教大家蒸口罩消毒重用 何栢良:害死人

全城「一罩難求」，政府既然幫唔到手解決口罩荒，市民只好自求多福。民建聯議員蔣麗芸(Ann姐)可能見大家四出撲口罩咁辛苦，於是醒大家一招，教家消毒口罩重用，如果你信，日後口罩可以無限重用，唔使驚唔夠口罩用啦！不過，港大感染及傳染病中心總監何栢良接受傳媒查詢指影片錯得離諎、害死人，強調外科口罩應用完即棄，重申「五『戴』要求。缺一不可！」

Ann姐喺facebook分享一段影片，片中「專家」介紹高溫蒸口罩十分鐘後，就可消毒重用。Ann姐呢個po短短兩個鐘，就吸咗近萬個「哈哈」同「嬲嬲」，逾7000個分享。識睇梗係睇留言，有網民就讚「孔子醫學獎非佢莫屬」、「呢排興氣炸鍋，試下氣炸啦，健康啲」、「建議Ann姐身先士卒，長期用二手口罩」。

正當群情洶湧之際，Ann姐再出一個po回應，指好多市民買不到口罩表示擔憂，有關短片是「沒辦法之中的辦法，總比不戴口罩上街好」。佢仲話，最理想是政府盡快解決口罩荒問題。