嫌難襯拒着紅底迎新　林泳淘感激離巢後獲歐錦棠扶持

林泳淘（Wingto）日前為香港開電視《娛樂頭條E-news headline》拍攝賀年特輯，節目中，她用100元在女人街為主播馬梓軒（William）購買應節新衫。其間，鬼馬的Wingto笑言為了William「下半身」幸福，決定送他一條印有貓貓圖案的紅底，寓意鴻運當頭，又希望他在鼠年憑此貓無往而不利。William對於Wingto誠意滿滿的祝福，即時滿臉通紅。被問到新年會否穿紅色內衣褲？Wingto笑謂：「我曾經有一年買過紅色，但發覺紅色其實都幾難襯，所以之後就決定買唔同顏色！因為紅色自己少著，又怕浪費！」

去年Wingto被慘食「無情雞」，幸離巢後及時獲歐錦棠（棠哥）扶持，她說：「當日一收到電話我就打畀棠哥，佢好快就介紹咗一啲演出工作畀我！嗰段時間屋企人都冇畀好多壓力我，好多謝佢哋！」踏入新一年，Wingto希望在事業上多作新嘗試：「我係一個好鍾意向外走，嘗試唔同嘢嘅人！嚟緊都會為香港開電視，去台灣拍攝一個介紹素食嘅節目！我自己都有幾間心水嘅素食店，希望可以拍到！」