【維港會】田北辰無忌諱話「書」得起 讚「喜」動圖書車藏書豐富

區議會選舉2019，立法會議員田北辰於荃灣愉景選區落敗，未能成功連任。想不到，田北辰無忌諱，仲敢講個「書」字。原來，臨近農曆新年，田北辰去荃灣公園 ，參觀喜動流動圖書車，還說笑指，「新年講個書字唔好聽」，但他「唔怕唔吉利」，最緊要「書」得起，向大家介紹全港暫時得一輛的喜動流動圖書車。

田北辰在個Facebook專頁發文，題為【阿田仲敢「書」？最新科技：流動圖書車 x 電子書 】，指他參觀了全港暫時得一架」的喜動流動圖書車，大讚藏書豐富。喜動圖書館車現時一星期出動6日，一個月平均會去20個地方，每日會去一個地方。車上有近300本館藏，另有200本後備書籍，「大家可以喺車上面借還圖書」。

田北辰指最令他感興趣，是車上有兩部電子圖書機！大家可以download 「HyRead 3」 app，再用公共圖書證登入 #線上圖書館，就可以喺電話度睇書。他說「線上圖書館有大約16000本館藏，可供線上閱讀或者自行下載。但每本書係得5日下載期限，過期如果唔續借就會自動消失，而因為版權問題，所以有啲書如果比人借咗就要預約」。

他又指，喜動圖書館非常深得荃灣居民歡迎，反應好理想。於12月15日第一日在荃灣公園試行果，已借出350本書，連後備書都借哂。

喜動圖書館查詢：https://www.hkpl.gov.hk/tc/about-us/services/library-outreach/library-on-wheels-pilot-project.html?fbclid=IwAR2s-SkiVJGRj_-Ml7IGbmRP75XrFUrP3afGOgT3DduQn73JCtJceRPnmEU